「在家工作」的迷思 (一)

相信大家都不會對「在家工作，月入十萬，輕鬆額外增加收入」此等垃圾廣告陌生，猶記得在旅居波蘭期間，每次跟香港的朋友在skype聊天上說起我有時候會「在家工作」，他們的表情都疑信參半的，活像我已掉進什麼鬼的層壓式推銷陷阱。當我在八月向美國總公司申請回港「在家工作」二個月外加一個月帶薪假期，過程相當順利，上司只是簡單的在電郵回覆「Approved and enjoy!」還附帶一個笑臉圖案。最麻煩的倒是要向家人和朋友解釋我怎樣會突然回香港，我可費掉不少唇舌去解釋......其實我並沒有被辭退，我只是把工作帶回家做而已。

究竟是什麼令一間公司「縱容」、「放任」員工在「無王管」的情況下工作？

在家工作(Work-from-home, WFH)這概念在不少跨國公司，特別是網絡科技行業早已甚為流行，像是雅虎、谷歌、亞馬遜等也容許員工在公司允許情況下選擇在家工作，這絕對不是那些搾錢層銷公司的「專利」。但朋友甚至家人還是非常好奇，到底我是怎樣把波蘭公司的工作帶回香港的家裡做。

以我的公司為例，入職時每名員要分配到一部筆記型電腦，另加VPN戶口用以連接公司內聯網，我們的電腦在放工後不可留在公司。因為我們的公司是24/7為全球客戶端服務的，如若遇上以下情況我們仍需工作，故「在家工作」是必須的：
1.)公司大樓收到炸彈恐嚇被警方全棟封鎖：是咁的，我公司位處的國際金融中心是炸彈恐嚇犯的最愛，一年收兩次恐嚇其實唔難。
2.)市面交通癱瘓：不論是由天氣、罷工、交通意外引致。
3.)極端天氣：你試過在-40°C穿着高跟鞋追巴士嗎？我試過。「在家工作」在波蘭的嚴寒簡直是一項惠政。

淺列在家工作對員工的好處：
1.)節省員工通勤時間
2.)在工作時間擁有更多私人空間
3.)增加對公司的歸屬感
4.)不用花精神去化妝或襯衣服！

淺列在家工作對公司的好處：
1.)直接節省公司的燈火開支
2.)增加員工的歸屬感，有利減低公司施行其他節流政策時的阻力，例如：取消茶水間的免費熱朱古力和伯爵紅茶、取消健身室服務
3.)員工再沒什麼好藉口遲到

受惠於「在家工作」計劃，同事們通常會在辦公室的開放式空間共用辦公桌，這樣公司也可大大節省用作擴充辦公室的開支。倘若需要一點私人空間或是儲存空間嗎？我剛入職時就向人事部經理申請了一個儲物櫃用作「秘密」的零食儲存庫。

練精學懶的香港人一定好奇如果這遇上被人濫用的情況，甚至作出違反公司的工作章程的行為，那怎辦？很簡單，就直接把那人辭退吧！下一篇會從上司角度細談「在家工作」的利弊，另附公司實行「在家工作」時的詳情及一名同事因遙距工作偷懶被辭退的例子。

待續。

賤嘴停不了之我講嘢有沙田口音？！

今日收到一個香港客專登打英文hotline嚟要求用英文通話，

好不幸地，呢個電話俾我呢件沙田大嘅香港蛋散接到，

好，既然個客要求到，我唯有硬住頭皮起住雞皮咁同佢用英文傾。

我唔知佢有語癌定純粹英文有問題，

佢一開口啲英文已經拋窒咗我。

我嘅開場白：「Hi, how can I help you?」

佢好大聲叫咁用港式口音逐個字跌出嚟兇我：「OH...YOU! CAN YOU TRANSFORM ME TO NATIVE ENG-GU-LISH SPEAKAAA..A? UK OR AMERICA!」

我心諗：「No lor！我點tranform你做native English speaker呀大佬，係都tranform我自己先啦。」

但我都嘗試transfer佢個電話俾一個美國同事，

但美國個同事一聽到係呢個客，

即耍手擰頭咁話佢一定handle唔嚟，

因為佢之前「有幸」接過呢個客嘅電話，

但最後都因為完全無辦法溝通而「不歡而散」。

我問西班牙同事，

原來佢之前都「中過招」，

佢叫我千祈唔好transfer個客俾佢。

咁我唯有用英文覆返個客其他同事都「忙緊」再問佢究竟有咩可以幫手，

佢有口難言咁嘗試用英文講出佢嘅問題，

可惜以我廿幾年嚟深厚嘅港式(沙田口音)英語根基都聽唔明佢究竟講咩，

難怪啲外國同事咁大反應。

我最後忍唔住問佢可唔可以講廣東話，

佢就一輪嘴好不滿咁話佢想同「英文同事」傾，

又投訴之前接佢電話嘅「印度人」好冇禮貌又唔明佢講咩。

我忍唔住一邊安撫佢一邊靜靜雞check吓個客嘅記錄，

發現佢所講嘅「印度人」其實係指一個英國同事，

仲要係「港女一聽就即冧」嘅英國仔口音嗰種，

（我唔識分英國邊忽口音，但應該係比較南面啲呱...）

講咗一大輪終於準備收線時，

個客問：「你係香港人嚟㗎？」

我答：「係。」

佢竟然話：「聽你講英文以為你係印度人或者大陸人囉！」

（我心諗：印度口音同大陸口音差好遠吓喎！）

佢再問：「你住邊㗎？」

我答：「我住沙田㗎。」

佢竟然話：「唔怪得我聽得出你有啲口音啦！」

我徹底崩潰。

歐國盃工作後記

縱然我不太懂足球，但在上屆波蘭與烏克蘭合辦的歐國盃C組分組賽主辦城市工作了三個多月，我清楚的感受到在現場看和以往只能透過電視螢幕觀看的差別，起碼在球迷的反應上，分別是十分明顯的。

一個偶然的情況下，我能參與這足球界盛事，完全超出我的預期。可能我死好命，詳情有機會再談。(其實只是另一個「我都係陪朋友去試吓㗎咋」的故事。)

p.s. 再一次證實，見工時千萬不要帶朋友去

說回現場，那氣氛可不是說笑，特別是主辦國落敗的場次，完場後整個城市真的接近要暴動的狀態，更莫說對敵的是波蘭世仇之一：俄羅斯。波蘭球迷在完場後在舊城區市中心到處放閃光彈，燒垃圾桶更好比家常便飯。此時，防暴警察的嗚笛警告顯得乏力無比。

有片有真相，請體諒我用的是Nokia手機。

閃光彈

火光熊熊

但波蘭球迷的質素比我想像中高多了(慚愧中)，當晚在接近凌晨二、三時，情況便開始冷靜下來，球迷自發把垃圾桶的火都撲滅了，然後乖乖的自行回家，就像沒事發生過一樣。

波蘭同事笑說，若波蘭在跟俄羅斯的賽事中勝出，那才會發生真正的暴動。