找blog數

今早心血來潮，把7年前的第一次寫的俄羅斯遊記重看一次，有點感觸，因為那些年的硬膠和不拘小節已不復再。不知怎樣，隨着年紀的增長，我發現自己寫blog和整理相片的速度真的一次比一次慢，可能青春的小鳥真的一去不返。加上早兩年被「行家」起底、掀罵戰、無謂的單單打打，還有自己的健康問題，一次又一次令我失去再繼續中文blog的動機，轉而開始寫英文blog，而出奇地，個英文blog又真係有人睇。

轉返口語先。

認真講句，我鐘意寫中文多過英文，但無奈一眾本地「行家」之間競爭激烈，我明明已經冇接PR job，媒體訪問都少做，近年可謂完全絕跡於本地媒體，但都仲可以俾人追住嚟咬。做咩啫……又冇阻人搵食。

我好希望呢一刻會有人兜口兜面大喝我一聲「記得要毋忘初衷呀屌你！」唔撚理啦，反正辭咗職，襯依家仲係自由身，我決定chur爆呢個星期寫返今次南美之行嘅中文遊記。

至於上年嘅東南歐同斯里蘭卡遊記……我希望今年內會寫好，應該會，除非唔會。